faiz ahmad faiz poetry
Faiz Ahmad Faiz (1911-1984)- A Great Pakistani Poet of Love, Beauty, and Political Idea specially Communism.
Teri Soorat Jo Dilnasheen Ki Hai
faiz ahmad faiz
Teri soorat jo dilnasheeN ki hai
Aashna shakl har haseeN ki hai
Husn se dil lagaa ke hastii ki
Har ghaRi hum ne aatisheeN ki hai
Subh E gul ho K sham E maikhana
Madh us rooy E naazneeN ki hai
Shekh se be-haraas milte hain
Hum ne touba abhi naheeN ki hai
Zikr e dozakh, byan e hur-o-qasur
Baat goya yahiN kaheeN ki hai
Ashk to kuchh bhi rang la na sake
KhooN se tar aaj aasteeN ki hai
Kaise maneiN heram ke sahl-pasand
Rasm jo aashiqoN ke deeN ki hai
‘Faiz’ auj e khyaal se hum ne
AasmaaN Sindh ki zmeeN ki hai
(Faiz)
tagged best ghazal, best ghazals, best shairy, faiz ahmad faiz ghazal, famous ghazal, fine ghazal, ghazal by faiz ahmad faiz, modern shairi, shairy in urdu, top ghazals, udas shairy, urdu ghazals, urdu poetry, urdu shairy
Raushan Kaheen Bahaar Ke Imkaan Hue To Hain
Raushan kaheeN bahaar ke imkaaN hue to haiN
Gulshan mein chaak chand garebaaN hue to haiN
Ab bhi khizaan ka raaj hai lekin kaheen kaheen,
Gosh E rah E chaman mein ghazal-khaaN hue to haiN
Thahri huii hai shab ki siyaahi vaheeN magar
Kuchh kuchh sahar ke rang purafshaaN hue to haiN
In mein lahu jalaa ho hamara K jaan O dil
Mehfil mein kuch chiraagh farozaaN hue to haiN
Haan kaj karo kulaah K sab kuch luta ke hum
Ab be-niyaaz E gardish E dauraaN hue to haiN
Ahl E qafas ki subah E chaman mein khulegi aankh
Baad E sabaa se vada O paimaaN hue to haiN
Hai dasht ab bhi dasht magar, khoon E pa se ‘Faiz’
Sairaab chand khaar E mugelaaN hue to haiN
(Faiz)
tagged best ghazal, best ghazals, best shairy, faiz ahmad faiz ghazal, famous ghazal, fine ghazal, ghazal by faiz ahmad faiz, modern shairi, shairy in urdu, top ghazals, udas shairy, urdu ghazals, urdu poetry, urdu shairy
Teri Ummid Tera Intezar Jab Se Hai …
Na shab ko din se shikayat na din ko shab se hai
Kisi ka dard ho karte haiN tere naam raqam
Gilaa hai jo bhi kisi se, tere sabab se hai
Hua hai jab se dil E na – saboor be – qaboo
Kalam tujh se nazar ko baRe adab se hai
Agar sharar hai to bhaRke, jo phool hai to khile
Tarah tarah ki talab, tere rang e lab se hai
KahaaN gaye shab E furqat ke jaagne wale
Sitaara e sehari hum-kalaam kab se hai
(Faiz)
tagged best ghazal, best ghazals, best shairy, faiz ahmad faiz ghazal, famous ghazal, fine ghazal, ghazal by faiz ahmad faiz, modern shairi, shairy in urdu, top ghazals, udas shairy, urdu ghazals, urdu poetry, urdu shairy
Ishq Minnat Kash E Qaraar Nahi …
Ishq minnat kash E qaraar nahi
Husn majboor E intezaar nahi
Teri ranjish ki intehaa maloom
HasratoN ka miri shumaar nahi
Apni nazreN bikher de saaqee
Mai ba-andaazaa E khumaar nahi
Zer E lab hai abhi tabassum E dost
Muntashir jalwa E bahaar nahi
Apni takmeel kar raha hun maiN
Warna tujh se to mujh ko pyar nahi
Charaa E intezaar kaun kare
Teri nafrat bhi ustawaar nahi
‘Faiz’ zinda raheN wo haiN to sahi
Kya huaa gar wafa shu’aar nahi
tagged best ghazal, best ghazals, best shairy, chhoti bahr, faiz ahmad faiz ghazal, famous ghazal, fine ghazal, ghazal by faiz ahmad faiz, modern shairi, shairy in urdu, top ghazals, udas shairy, urdu ghazals, urdu poetry, urdu shairyleave a comment
Hum Parvarish E Lauh O Qalam Karte RaheNge …
Hum parvarish E lauh O Qalam karte raheNge
Jo dil pe guzarti hai raQam karte raheNge
Asbaab E Gham E ishq baaham karte raheNge
Veerani E dauraaN pe karam karte raheNge
HaaN talkhi E aiyyaam abhi aur baRhegi
HaaN ahl E sitam mashq E sitam karte raheNge
Manzoor ye talkhi ye sitam hum ko gavaara
Dam hai to madaava E alam karte raheNge
Maikhaana salaamat hai to hum surkhi E mai se
Taz’een E dar O baam E haram karte raheNge
Baaqi hai lahu dil meN to har ashk se paidaa
Rang E lab O rukhsaar E sanam karte raheNge
Ek tarz E taGhaaful hai so wo un ko mubaarak
Ek arz E tamanna hai so hum karte raheNge
tagged best ghazals, best shairy, faiz ahmad faiz ghazal, famous ghazal, fine ghazal, modern shairi, top ghazals, urdu ghazals, urdu poetry
Tum Aaye Ho Na Shab E Intezaar Guzrii Hai …
Tum aaye ho na shab-E-intezaar guzrii hai
Talaash meN hai sehar baar baar guzrii hai
JunuuN meN jitni bhi guzri bakaar guzarii hai
Agar che dil pe kharaabii hazaar guzrii hai
Huii hai hazrat-E-naaseh se guftaguu jis shab
Wo shab zaruur sar-E-kuu-E-yaar guzrii hai
Woh baat saare fasaane meN jiskaa zikr na thaa
Woh baat unko bahut naa-gavaar guzrii hai
Na gul khile haiN, na un se mile, na mai pi hai
Ajeeb rang meN ab ke bahaar guzrii hai
Chaman meN Ghairat-E-gulchiN pe jane kya guzri
Qafas se aaj sabaa be – Qaraar guzrii hai
tagged best shairy, faiz ahmad faiz ghazal, urdu ghazals
Yeh Kis Khalish Ne Phir Is Dil MeN Aashiyaanaa Kiyaa …
Yeh kis Khalish ne phir is dil meN aashiyaanaa kiyaa
Phir aaj kis ne suKhan ham se Ghaayebaanaa kiyaa
Gham-E-jahaaN ho, ruKh-E-yaar ho ke dast-E-uduu
Salook jis se kiyaa hamane aashiqaanaa kiyaa
The Khaak-E-raah bhii ham log qahar-E-tuufaaN bhii
Sahaa to kyaa na sahaa aur kiyaa to kyaa na kiyaa
Khushaa ke aaj har ik mudda_ii ke lab par hai
Voh raaz jis ne hameN raaNd-E-zamaanaa kiyaa
Voh hiilaagar jo vafaajuu bhii hai jafaaKhuu bhii
Kiyaa bhii “Faiz” to kis but se dostaanaa kiyaa
0 Comments